♥ 夏日島 ♪ Sommarøy ♥

母親大人出發前淨係點菜要食拉麵。去到之後表示仲要食和牛燒肉，隨手一 search 就係各種各樣嘅燒肉放題。

本身酒店 ( HOTEL THE FLAG 住宿經驗 ) 附近就有一間燒肉力丸，但係 full 咗 booking ( 果然係人氣店 !) ~

醒起沿路見到一間燒肉店，我哋就向住佢出發喇 !!

所以話，黑色和牛燒肉一 ( 心齋橋店 )簡直係我偶然遇上的驚喜 ~~ ♥

因為要打呢篇文章，於是就上網搵搵有冇 blogger 推介過呢間燒肉店。所以我而家先發現呢間燒肉店原來係咁出名架 !!

超級強店、頂級燒肉之類嘅讚美不絕呀 !!!

( 心去食嘅當時完全唔駛等就可以入座，我仲以為呢間舖頭唔出名... )

♪ ♪ ♪ ♪ ♪

店內有一般座位，亦有要除鞋先可以入去嘅 TATAMI 座位。

幸運嘅我哋有得坐 TATAMI !! ♥♥ 

雖然係遊客滿滿嘅地區，但係坐低之後，店員仍然好友善咁主動問我哋需唔需要 foreign language 嘅 menu。

我哋一行三個人揀咗兩份 set C ( 每份 5,400 yen )，再跟店員嘅推介，散叫咗一份菲力和牛 ( 1,980 yen / 6 片)。

每一個 set 入面，每個種類嘅牛都會有兩塊，並且有用木牌仔標明部位，只係...我睇唔明... XD。

我絕對建議各位要食咗 set 嘅肉先，再食和牛 !! 因為食和牛先，個 set 啲牛就絕對會黯然失色 !!!

由於和牛實在太好味，再憑直覺叫多咗份日本黑毛和牛腰肉排 ( 4,580 yen )。個扒有手掌咁大，又厚，但係油分就有啲太多。

結論係：都係菲力好食 - 有牛香有油香，但係又唔會太油。( 冇圖可以提供，一上枱就迅速落爐再落肚 XD )

後記 1：其實每個 set 都會跟一份甜品，但係店員唔記得俾，我哋又唔記得問,,,

後記 2：其實枱面提供嘅鹽唔點都已經好好味。

後記 3：我覺得呢間燒肉店嘅店員英文水平比其他舖頭嘅店員高 ~~ 溝通冇問題 !! ♥♥ 

♪ ♪ ♪ ♪ ♪

店名：黑毛和牛燒肉一

地址：大阪市中央區心齋橋筋 1 丁目 4 番 31 號

官網：http://www.yakiniku-ichi.com/index.html ( 好像可以網上預約喔，但係我係 walk-in 撞入去嘅 XD )

營業時間：11:30 - 14:30, 17:00 - 24:00