收到 admission letter 就可以去申請讀語學堂嘅 D-4 簽證喇~
記得要準備好所有文件先去,咁會爲自己慳翻好多時間 (同車錢 哈哈哈哈)。
小小炫耀一下:唔計算輪侯時間,我用咗少於 9 分鐘嘅時間就完成所有手續喇 !!!! ♥♥
好 !! (截止 2019 年 7 月 9 日) 申請 D-4 簽證所需要文件如下:
- 申請表 (必須用藍筆填寫)
- 等我一開始諗住用電腦填...哈哈哈
- 護照 (正本 + 載有個人資料頁嘅副本)
- 身分證副本
- 最後餘額 HKD 25,000 以上的財力證明
- 語學堂嘅標准入學通知書及收據
- 語學堂嘅商業登記證 (固有號碼證) 副本
- 證明已畢業嘅文件 (正本 + 副本)
- 進修計劃表 (用英文/韓文親自填寫)
- 語學堂嘅進修課程詳細內容
- 現金 $480
♪ 財力證明 ♪
可以作爲財力證明嘅文件大致分爲兩類:
- 要向銀行申請同等銀行發出嘅:銀行定期存款證明,連續三個月的流水帳
- 可以自己準備嘅:銀行存摺簿,最近連續三個月的銀行月結單,網上銀行最近連續三個月的交易紀錄及存款餘額的截圖
注意:銀行免費列印嘅 account balance inquiry form 並非有效證明呀~
而咁多種當中,月結單應該會係最簡單嘅。因爲不論係 paper statement 定 e-statement,大家都會收到㗎嘛~ 而 Korean Consulate 列明係會接受 e-statements 列印本嘅。
♪ 標准入學通知書及收據 ♪
文件清單冇寫明係副本,所以一開始我以爲必須要有正本。
但係高麗大話香港領事館話只需要副本,於是我就 print 曬學校 send 嚟嘅通知書同收據 (同埋商業登記證) 出嚟。
7 月 10 日 後記:突然又收到語學堂用 DHL 幾嚟嘅正本 @@,唔知之後用唔用得着呢 ??
♪ 進修計劃表 ♪
申請者要用英文或者韓文書寫。(我懶,我用英文。 哈哈哈哈)
寫完記得要喺文件下方簽名同寫日期呀~
♪ 進修課程詳細內容 ♪
Screencap 語學堂嘅 program content,然後 print 出嚟就可以喇~
領事館處理申請需時 7 個工作天。收據上面都有寫明幾時可以翻去拎簽證。
記得預留足夠嘅時間申請喇~
爲咗大家 download 到最 update 嘅官方資料,download application form 同詳細文件清單請去:http://overseas.mofa.go.kr/hk-en/brd/m_20261/view.do?seq=717440
♪ 延簽 ♪
由於我會讀一年嘅語學堂,但係今次只係申請咗半年嘅簽證,所以我必須要做一次延簽。
所以遲啲再同大家分享~
2019 年 7 月 18 日備註:
由 2019 年 7 月 16 日開始,喺韓國逗留 90 日以上嘅外國人都需要買一份健康保險。每個月嘅保費大約係 11 萬 won (貴...)
拎護照嘅時侯,職員會俾呢一份單張你,但係上面冇太多嘅資料。領事館職員話喺韓國申請外國人登錄證嘅時候,當地職員會再同我哋解釋。咁我唯有懷住不安嘅心情去聽詳情喇~
2019 年 9 月 23 日備註:
經 Kakao 同國立健康保險公團諮詢之後,喺韓國逗留90日以上嘅 D-4 簽證持有人,直至 2021 年 2 月 28 日爲止都唔需要買呢份 11 萬 won 嘅健康保險~
2020 年 3 月 20 日備註:
而家韓國境內限制口罩銷售之後,其實有投保呢份健康保險嘅外國人都可以一齊去藥房買口罩嘅。
但係...我冇。
見到有香港 youtuber (應該係?) 最近爲咗買口罩迅速申請咗呢個保險~ 好似都好快就收到張保險卡仔。
有需要嘅大家可以考慮下~
留言列表