♥ 夏日島 ♪ Sommarøy ♥

話咁快就嚟咗半年，所以 1 月尾我就去申請 D-4 簽證嘅延期喇~

同申請簽證嘅時候一樣，要記得預留時間俾自己準備文件~ ♥♥

步驟：

♪ 預約地點 + 時間 ♪

交學費之前，你已經可以上定 Hi Korea 預約辦理延簽嘅地點同時間。

我住江南區，係預約嘅頁面 search 我係要去翻首爾南部出入境管理事務所嘅。而我最終都係喺嗰度辦理申請~

但係喺我第一次居留期滿咗，亦都辦理好延簽之後，語學堂 office send 咗個 email 俾我提醒我去辦理延簽。

當時個 email 所講嘅，係話高麗大學生都要去世宗路出境處 (Sejongno Branch) 辦理。

不過我另一個住喺麻浦區嘅高麗大朋友同我一樣，係去咗首爾南部出入境管理事務所辦理。

結果都係成功㗎。

所以，只要喺 Hi Korea 用自己地址 search 翻對應嘅事務所應該都係冇問題嘅~!!

♪ 行前準備 ♪

進行其他一切行動之前，首先你要交學費!! ( 注意你戶口每日嘅轉賬限額!! )

將 ATM 收據交去 Language centre 嘅 office。

然後同職員講你要延長 D-4 簽證，佢就會話你聽要填邊幾張 form喇~

其中有一張出席率確認表你需要俾"班主任" ( 담임선생님 ) 填。

老師填好之後，你喺個張表格下方 tick 買你要申請韓文版嘅在學證明書 ( 재학증명서 )，交埋手續費 1000 won。

等多一個工作天，在學證明書同學校正式出嘅學費收據就到手喇~

♪ 辦理當日 ♪

1. 現金 ( 喺影印嘅櫃位交錢，然後你會收到張"收據"，一陣連埋啲文件俾事務所職員就可以喇~ )
2. 填寫申請表 ( 喺現場填即可 )
3. 護照 ( 正本 + 載有個人資料頁嘅副本 )
4. 外國人登錄證正本
5. 語學堂嘅在學證明書及學費收據

根據網上資料同埋去另一個事務所嘅朋友嘅經驗，處理延簽係可以即日拎翻張外國人登錄證嘅。

但係唔知咩原因，去出入境管理事務所嘅我同麻浦區朋友都要兩個星期。先可以去拎翻外國人登錄證...

真係百思不得其解...